WayStar Group — Астанада өтетін FOC 2026 халықаралық конференциясының платиналық демеушісі
«WayStar Group» ЖШС 5 маусым күні Астана қаласындағы Hilton Astana қонақүйінде өтетін FOC 2026: Fats and Oils Conference бесінші халықаралық май-тоңмай конференциясының платиналық демеушісі болады. Іс-шараны Қазақстанның Майлы дақылдарды қайта өңдеушілердің ұлттық қауымдастығы ұйымдастырып, Қазақстанның және халықаралық нарықтың май-тоңмай саласындағы негізгі қатысушыларын бір алаңға біріктіреді.
WayStar Group компаниясының платиналық демеуші ретінде қатысуы экспорттық логистиканы дамытудағы және май-тоңмай өнімдерінің тұрақты жеткізілімін қамтамасыз етудегі стратегиялық рөлін айқындайды. Компания жүк тасымалын көліктің барлық түрімен ұйымдастыру бойынша кешенді логистикалық шешімдер ұсынып, халықаралық сауда үшін сенімді логистикалық инфрақұрылымды қамтамасыз етеді.
Бүгінде Қазақстанның май-тоңмай саласын қарқынды дамытуға әлеуеті зор. Бұған қолайлы табиғи-климаттық жағдайлар, өңдеу кәсіпорындарының болуы және елдің қазіргі экспорттық мүмкіндіктерінен әлдеқайда ауқымды өткізу нарықтарына қолжетімділік ықпал етеді. Қазақстандық өнім әлемнің 20-дан астам еліне экспортталады, ал 2025 жылдың қорытындысы бойынша экспорт көлемі 1,5 миллион тоннадан асып, жалпы құны шамамен 963 миллион АҚШ долларын құрады.
Қазақстанның әлемдік нарықтағы позициясының нығаюы да ерекше назар аударуға лайық. Ел күнбағыс майын экспорттау бойынша әлемде 6-орынға көтеріліп, алдыңғы жылдармен салыстырғанда көрсеткіштерін жақсартты және әлемдегі жетекші ТОП-3 экспорттаушының қатарына кіруді мақсат етіп отыр. Сонымен қатар, Қазақстан Орталық Азия елдерін күнбағыс шротымен қамтамасыз етуде маңызды рөл атқарып, бұл өнімді Еуропалық одаққа жеткізетін жетекші мемлекеттердің бірі саналады.
FOC 2026 конференциясы саладағы негізгі үрдістерді талқылауға, экспорттық әлеуетті дамытуға және халықаралық ынтымақтастықты нығайтуға арналған маңызды алаң болмақ. Конференцияға Қазақстандағы 50-ден астам май өңдеу зауытының басшылары, ауыл шаруашылығы өндірушілері, мемлекеттік органдардың, қаржы институттарының өкілдері, сондай-ақ халықаралық серіктестер, импорттаушылар және логистикалық компаниялар қатысады.
WayStar Group саланың дамуына қолдау көрсетуді жалғастырып, тиімді логистикалық шешімдерді ұсынып, қазақстандық өнімнің әлемдік нарықтарға жеткізілу географиясын кеңейтуге өз үлесін қоса береді.
