WayStar Group логистика саласында жаңа кезеңді бастады: Қазақстан тарихында алғаш рет түйіршіктелген күнжара тиелген астық тасымалдау вагондарынан құралған пойыз Қытайға жөнелтілді.
WayStar Group нарық үшін бірегей жобаны жүзеге асырды — Қазақстан Республикасы тарихында алғаш рет түйіршіктелген күнжара тиеген толық маршруттық пойыз астық тасымалдайтын вагондармен жөнелтілді.
Айта кету керек, жүктің бұл түрін астық тасымалдайтын вагондармен алғашқы сынақтық жөнелтулер өткен жылдың желтоқсан айында жеке вагондар форматында жүзеге асырылған болатын. Пилоттық тасымалдардың сәтті нәтижелері бұл шешімді кең ауқымда енгізуге және толық маршруттық пойыздарды жөнелтуге мүмкіндік берді.
Жоба аясында Семей станциясынан 42 астық тасымалдайтын вагоннан тұратын құрам жасақталып, әрі қарай Достық – Алашанькоу (ҚХР) шекаралық өткелі арқылы экспортқа жөнелтілді. Тасымалдау рекордтық қысқа мерзімде жүзеге асырылды, бұл барлық логистикалық тізбекке қатысушылардың үйлесімді жұмысы мен жоғары операциялық тиімділігін көрсетті.
Бұл жобаның жүзеге асырылуы WayStar Group компаниясының жаңа логистикалық шешімдерді енгізуге және инфрақұрылымды стандартты емес жүк түрлеріне бейімдеуге қабілетті екенін айқын дәлелдейді. Компания экспорттық бағыттарды белсенді дамытуды және халықаралық тасымалдар нарығындағы өз позициясын нығайтуды жалғастырып, серіктестері мен клиенттері үшін жаңа мүмкіндіктер ашуда.
