WayStar Group компаниясы Циндаода өткен экспортқа арналған халықаралық конференцияға қатысты.

30–31 наурыз күндері Циндао қаласында Қазақстан мен Қытай арасындағы сауда-экономикалық ынтымақтастықты дамытуға арналған «Қытайға экспорт: ШЫҰ арқылы таңдау» халықаралық конференциясы өтті.

Іс-шара Қазақстаннан Қытай нарығына экспорт көлемін ұлғайтуға және тұрақты логистикалық әрі сауда тізбектерін қалыптастыруға мүдделі мемлекеттік органдардың, бизнес қауымдастығының және салалық ұйымдардың өкілдерін бір алаңға жинады.

Конференция барысында экспортты жүйелі түрде дамыту, Қытай аумағындағы инфрақұрылымды кеңейту, сондай-ақ агроөнеркәсіптік кешен өнімдері мен халық тұтынатын тауарлардың экспортын арттыру мәселелеріне ерекше назар аударылды.

Іс-шараға қатысушылардың қатарында WayStar Group компаниясы да болды. Компания халықаралық ынтымақтастықты дамытуға және Қазақстан мен Қытай арасындағы сауда байланыстарын нығайтуға мүдделі екенін тағы бір мәрте растады. Компания өкілдері әлеуетті серіктестермен бірқатар іскерлік кездесулер өткізіп, логистика және трейдинг салаларындағы өзара ынтымақтастықтың перспективалы бағыттарын талқылады.

Осындай іс-шаралардың өткізілуі іскерлік байланыстарды нығайтуға және Циндаодағы «Қытай–ШЫҰ» пилоттық аймағын қоса алғанда, негізгі экспорттық хабтар арқылы қазақстандық компаниялардың Қытай нарығына шығуына жаңа мүмкіндіктер қалыптастыруға ықпал етеді.